Makosa ya Kawaida katika Kiswahili

Makosa ya Kawaida katika Kiswahili ni mkusanyiko wa takribani maneno 2000 yanayotumiwa visivyo. Mapungufu hutokea kwa kutojua, kusahau na mazoea. Ukoseaji katika kuandika au kupiga chapa husababisha mategu. Kasoro hizo hukanganya maana ya maneno, sentensi au aya. Kimsingi, makosa huzuia uelewaji wa Kiswahili ongezi na andishi. Taksiri hizo hulemaza na kuchafua lugha sanifu.
Madhumuni ya kitabu hiki ni kusahihisha aina za makosa ili kizazi cha elimu kisiyatumie kwa namna ghalati.

Waandishi wa kitabu hiki, Timothy Omusikoyo Sumba na Sussy Nandama Sumbi ni wataalamu wa Kiswahili. Timothy Omusikoyo Sumba ni mhariri na mwandishi maarufu wa vitabu vya Kiswahili. Awali alikuwa mwalimu na mhadhiri wa Kiswahili katika Chuo Kikuu cha Howard nchini Marekani. Sussy Nandama Sumbi ni mhariri na mwandishi hodari wa vitabu vya Kiswahili. Yeye ni mhadhiri wa Kiswahili katika Chuo Kikuu cha Kenyatta nchini Kenya.